వైద్య నిర్లక్ష్యం కేసులో నెల్లూరు జిల్లా వినియోగదారుల కోర్టు మెడికవర్ హాస్పిటల్స్‌ (పూర్వం సింహపురి ఆస్పత్రి)పై రూ.61.62 లక్షల పరిహారం విధించింది. 2017లో సైనసైటిస్ శస్త్రచికిత్స సమయంలో తిరుపతి జిల్లా సూళ్లూరుపేటకు చెందిన చెవురు సురేష్‌బాబు ఎడమ కంటి చూపు కోల్పోవడంతో ఈ కేసు దాఖలైంది. అదనపు వైద్య ఖర్చులకు రూ.21.62 లక్షలు, శారీరక, మానసిక వేదనకు రూ.40 లక్షలు 45 రోజుల్లో చెల్లించాలని కోర్టు ఆదేశించింది.