ఆస్ట్రేలియా పౌరులను లక్ష్యంగా చేసుకుని రూ.100 కోట్ల సైబర్ మోసానికి పాల్పడిన కేసులో ప్రధాన నిందితుడు దేవరపల్లి పట్టాభిని హైదరాబాద్ సైబర్‌క్రైమ్ పోలీసులు అరెస్టు చేశారు. హైటెక్‌సిటీలో కాల్ సెంటర్ ఏర్పాటు చేసి నకిలీ ఈ-మెయిల్స్ ద్వారా రెండేళ్లపాటు మోసాలకు పాల్పడినట్లు పోలీసులు తెలిపారు. కేసు నమోదైన ఎనిమిది నెలల తర్వాత నిందితుడిని మాదాపూర్‌లో అదుపులోకి తీసుకోగా, ఇప్పటివరకు ఈ కేసులో 12 మంది అరెస్టయ్యారు.