విజయవాడ ఎన్టీఆర్ పోలీస్ కమిషనర్ ఎస్.వి. రాజశేఖర బాబుపై నిరాధార ఆరోపణలు ప్రచురించినందుకు 'సాక్షి' దినపత్రిక ప్రచురణకర్త, రెసిడెంట్ ఎడిటర్, రిపోర్టర్ తదితరులపై కోర్టులో ఫిర్యాదు చేసేందుకు ఆంధ్రప్రదేశ్ ప్రభుత్వం అనుమతి ఇచ్చింది. భారతీయ నాగరిక సురక్ష సంహిత-2023 సెక్షన్ 222(4) ప్రకారం సంబంధిత పబ్లిక్ ప్రాసిక్యూటర్‌కు అనుమతి మంజూరు చేస్తూ ఉత్తర్వులు జారీ చేసింది.