గుంటూరు జిల్లా ప్రత్తిపాడు మండలం నడింపాలెంలో రూ.100 కోట్లతో కేంద్ర యోగా, ప్రకృతి వైద్య పరిశోధన సంస్థ (సీఆర్‌ఐవైఎన్‌) ఏర్పాటు కానుందని రాష్ట్ర వైద్యారోగ్య శాఖ మంత్రి సత్యకుమార్ యాదవ్ తెలిపారు. 15.03 ఎకరాల్లో నిర్మించనున్న ఈ సంస్థకు కేంద్ర ఆయుష్ మంత్రిత్వ శాఖ బృందం స్థలాన్ని పరిశీలించి ఆమోదం తెలిపిందన్నారు. మూడు నెలల్లో మౌలిక సదుపాయాల పనులు పూర్తిచేసి కేంద్రానికి అప్పగిస్తామని, 2028లో సంస్థ కార్యకలాపాలు ప్రారంభమవుతాయని వెల్లడించారు.