అమరావతి: సీడ్‌ యాక్సెస్‌ రహదారిలోని ‘ఎస్‌’ ఆకారపు మలుపులపై నెలకొన్న అపోహలను నివృత్తి చేసేందుకు ప్రభుత్వం వివరణ ఇచ్చింది.  ప్రస్తుతం ఈ రోడ్డు ఉండవల్లి, మంగళగిరికి కనెక్ట్ చేశామని, ఫేజ్‌-3లో విజయవాడ-చెన్నై జాతీయ రహదారి-16ను మణిపాల్‌ హాస్పిటల్‌ సమీపంలో అనుసంధానించే కారిడార్‌ నిర్మించాల్సి ఉందని తెలిపింది. భౌగోళిక పరిస్థితులు, రహదారి అనుసంధానాలు, ట్రాఫిక్‌ నిర్వహణ అవసరాలకు అనుగుణంగానే ప్రస్తుత రహదారిని నిర్మించినట్లు పేర్కొంది. కరకట్టపై ట్రాఫిక్‌ తగ్గించడం కూడా లక్ష్యమని వివరించింది.