డెస్క్: పాక్‌ రక్షణ మంత్రి ఖ్వాజా అసిఫ్‌ తాజాగా సియాల్‌కోట్‌లో పిజ్జా హట్‌ అవుట్‌లెట్‌ను ప్రారంభించారు. కొద్దిగంటలకే ఆ కార్యక్రమం ఫొటోలు నెట్టింట వైరల్‌ అయ్యాయి. దానికి కారణం? పిజ్జా హట్‌ బ్రాండ్‌ సదరు అవుట్‌లెట్‌ గురించి ఒక ప్రకటన చేయటం. ఆ షాపుతో తమకు ఎలాంటి సంబంధం లేదని.. అది ఫేక్‌ ఔట్‌లెట్‌ అని క్లారిటీ ఇచ్చింది. ఈ షాపుపై సంబంధిత విభాగంలోనూ ఫిర్యాదు చేశామని చెప్పింది. దీంతో దేశ రక్షణ శాఖ మంత్రి స్థాయి వ్యక్తి పిజ్జా దుకాణం ఓపెనింగుకి వెళ్లడమే హాస్యాస్పదం అని అనుకుంటే, అదీ దొంగ అవుట్ లెట్ కావటం పాక్ పరువు తీసింది.