క్యూబాపై అమెరికా విధించిన ఆర్థిక, వాణిజ్య, ఆర్థిక ఆంక్షలను ఎత్తివేయాలని కోరుతూ ఐరాస జనరల్‌ అసెంబ్లీలో ప్రవేశపెట్టిన తీర్మానానికి భారత్‌ మద్దతు తెలిపింది. బుధవారం జరిగిన ఓటింగ్‌లో 130 దేశాలు తీర్మానానికి అనుకూలంగా, 17 దేశాలు వ్యతిరేకంగా ఓటు వేశాయి. మరో 25 దేశాలు ఓటింగ్‌కు దూరంగా ఉన్నాయి. ఆంక్షల వల్ల ఇతర దేశాల సార్వభౌమత్వం, అభివృద్ధికి విఘాతం కలగకూడదని భారత ప్రతినిధి సౌమ్య నాయర్‌ పేర్కొన్నారు.