బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌పై గతంలో చేసిన వ్యక్తిగత వ్యాఖ్యలను ఉపసంహరించుకుంటున్నట్లు మాజీ మంత్రి, ఎమ్మెల్యే కొండా సురేఖ తెలిపారు. రాజకీయ పరిస్థితుల నేపథ్యంలో ప్రతిపక్షాన్ని విమర్శించే క్రమంలో ఆ వ్యాఖ్యలు చేశానని ‘ఎక్స్‌’లో పేర్కొన్నారు. అవి నిరాధారమైనవని, అలా మాట్లాడి ఉండకూడదని అన్నారు. కేటీఆర్‌, ఆయన కుటుంబసభ్యులను బాధపెట్టడం, వారి ప్రతిష్ఠకు భంగం కలిగించడం తన ఉద్దేశం కాదని స్పష్టం చేశారు. తన వ్యాఖ్యలతో వారు బాధపడి ఉంటే చింతిస్తున్నట్లు తెలిపారు.