బాపట్ల జిల్లా చీరాల సమీపంలోని గవినివారిపాలెంలో రూ.250 కోట్ల పెట్టుబడితో నోవాటెల్ బీచ్‌ఫ్రంట్ హోటల్ నిర్మాణానికి అకోర్, భ్రమర గ్రూప్ ఒప్పందం కుదుర్చుకున్నాయి. దిల్లీలో జరిగిన కార్యక్రమంలో ఇరు సంస్థల ప్రతినిధులు ఒప్పందంపై సంతకాలు చేశారు. 3.15 ఎకరాల్లో నిర్మించనున్న ఈ ప్రాజెక్టులో 225-250 ఆధునిక గదులతో పాటు అంతర్జాతీయ ప్రమాణాల అతిథి, సమావేశ, వెల్‌నెస్ సౌకర్యాలు అందుబాటులోకి రానున్నాయి.