నీట్‌ ప్రశ్నపత్రం మళ్లీ లీక్‌ అంటూ సామాజిక మాధ్యమాల్లో జరుగుతున్న దుష్ప్రచారాన్ని కేంద్రం ఖండించింది. ఈ మేరకు పీఐబీ ఫ్యాక్ట్‌ చెక్‌ విభాగం ‘ఎక్స్‌’ వేదికగా పోస్టు పెట్టింది. నీట్‌ రీ-ఎగ్జామ్‌ ప్రశ్నపత్రం కూడా లీక్‌ అయినట్టుగా కొందరు నకిలీ వార్తలను ప్రచారం చేస్తున్నారని, అలాంటి వాటిని నమ్మొద్దని విద్యార్థులు, తల్లిదండ్రులకు విజ్ఞప్తి చేసింది.  నీట్‌ పరీక్షకు సంబంధించి ఏదైనా అధికారిక సమాచారం కోసం neet.nta.nic.in వెబ్‌సైట్‌ను సందర్శించి చెక్‌ చేసుకోవాలని సూచించింది.