అమరావతి: పరిశ్రమల ఏర్పాటుకు ఆంధ్రప్రదేశ్‌లో కనీసం లక్ష ఎకరాలతో భూ బ్యాంక్‌ సిద్ధం చేయాలని ప్రభుత్వం నిర్ణయించింది. దశలవారీగా భూముల సేకరణకు ప్రణాళికలు రూపొందించింది. ఇందులో 60-70 శాతం ప్రభుత్వ భూములే ఉండగా, వాటి మధ్యలోని ప్రైవేటు భూములనూ సేకరించనుంది. వివిధ పరిశ్రమల కోసం ప్రధానంగా 60 వేల ఎకరాల సేకరణపై ఏపీఐఐసీ దృష్టి సారించింది. భూ సేకరణతోపాటు మౌలిక సదుపాయాల కల్పనకు భారీగా ఖర్చు చేయనుంది.